नेपाली बक्स अफिस अपडेट: चलचित्र 'आचार्य', 'बाटो योद्धा' र 'पेन्सन पट्टा'को शनिबारको एडभान्स बुकिङ र कलेक्सन रिपोर्ट

नेपाली बक्स अफिस अपडेट: चलचित्र 'आचार्य', 'बाटो योद्धा' र 'पेन्सन पट्टा'को शनिबारको एडभान्स बुकिङ र कलेक्सन रिपोर्ट ​नेपाली चलचित्र क्षेत्रमा यतिबेला प्रदर्शन भइरहेका तीनवटा भिन्न जनराका चलचित्रहरू— 'आचार्य', 'बाटो योद्धा' र 'पेन्सन पट्टा' ले बक्स अफिसमा आक्रामक प्रतिस्पर्धा गरिरहेका छन्। फरक-फरक कथावस्तु बोकेका यी चलचित्रहरूको आजको बिहानी शोको एडभान्स बुकिङ, अकुपेन्सी र सम्भावित बक्स अफिस कलेक्सनको विस्तृत विवरण यहाँ प्रस्तुत गरिएको छ: ​१. चलचित्रहरूको कथावस्तु र हालसम्मको प्रदर्शन ​आचार्य: एक्सन जनरामा आधारित यो चलचित्रलाई दर्शकबाट मिश्रित प्रतिक्रिया (Mixed Response) मिलेको छ। सीमित हलहरूमा प्रदर्शन भइरहेको यसले प्रदर्शनको ८ दिनसम्म आइपुग्दा करिब १ करोड २० लाख रुपैयाँभन्दा बढीको ग्रस कलेक्सन गरेको छ। आजबाट यो चलचित्रले आफ्नो प्रदर्शनको ९औं दिन पार गर्दैछ।

​बाटो योद्धा: एक बुबाले छोराछोरीको भविष्यका लागि गर्ने संघर्षको कथामा आधारित यस चलचित्रलाई दर्शकबाट निकै राम्रो प्रतिक्रिया मिलिरहेको छ। ८ दिनमा यसले पनि १ करोड २० लाख हाराहारी नै ग्रस कलेक्सन गरिसकेको छ र आज ९औं दिनमा प्रवेश गर्दैछ। ​पेन्सन पट्टा: पारिवारिक र सामाजिक कथावस्तुमा बनेको यो चलचित्रले दर्शकहरूको मन जित्न सफल भएको छ। लामो समयदेखि हलमा टिकिरहेको यस चलचित्रले २२ दिनसम्म आइपुग्दा करिब ८ करोड रुपैयाँको बलियो ग्रस कलेक्सन गरिसकेको छ र आज २३औं दिनमा चलिरहेको छ।

नोट: फिल्म विकास बोर्डको तर्फबाट आइतबारसम्मको आधिकारिक कलेक्सन भने सोमबार सार्वजनिक हुनेछ।) ​२. बिहानको एडभान्स बुकिङ र अकुपेन्सी रिपोर्ट ​आचार्य (९औं दिन): धेरैजसो मल्टिप्लेक्सहरूबाट यो चलचित्र उत्रिइसकेको छ भने सिमित हलहरूमा विहानका शोहरू निकै कम छन्। बिहानको शोमा अकुपेन्सी १० प्रतिशतभन्दा पनि कम देखिएको छ। यद्यपि, दिउँसो र इभनिङ शोहरूमा अकुपेन्सी १५ देखि २५ प्रतिशतसम्म पुग्ने अनुमान गरिएको छ। ​बाटो योद्धा (९औं दिन):

यस चलचित्रको एडभान्स बुकिङ सन्तोषजनक देखिएको छ। उपत्यका र मोफसलका केही हलहरूमा बिहानैदेखि 'फास्ट फिलिङ' (Fast Filling) को स्थिति देखिएको छ। बिहानको समग्र अकुपेन्सी २० प्रतिशतभन्दा माथि रहेको छ भने दिउँसो ३० देखि ३५ प्रतिशत र इभनिङ/नाइट शोमा ४० प्रतिशत हाराहारी अकुपेन्सी रहने अपेक्षा गरिएको छ। ​पेन्सन पट्टा (२३औं दिन): प्रदर्शनको तेस्रो हप्तामा पुग्दासमेत यस चलचित्रले बक्स अफिसमा लोभलाग्दो व्यापार गरिरहेको छ। पूर्वका केही हलहरूमा बिहानैदेखि शोहरू फास्ट फिलिङ गएका छन् भने धेरै हलमा ३० देखि ४० प्रतिशतसम्मको बिहानको अकुपेन्सी देखिएको छ। दिउँसो ३० देखि ४० प्रतिशत र इभिनिङ शोहरूमा ५० प्रतिशतभन्दा माथिको अकुपेन्सी जाने सम्भावना छ।

​३. आजको बक्स अफिस कलेक्सन प्रेडिक्सन (अनुमानित) ​आज शनिबारको विकेन्ड (Weekend) को अवसर पारेर चलचित्रहरूको व्यापार अझै उकालो लाग्ने देखिन्छ: ​पेन्सन पट्टा: २० देखि २५ लाख रुपैयाँसम्म ​बाटो योद्धा: करिब २० लाख रुपैयाँ ​आचार्य: बढीमा ५ लाख रुपैयाँसम्म ​समग्रमा, लामो समयदेखि प्रदर्शनरत 'पेन्सन पट्टा' ले आफ्नो दबदबा कायम राखेको छ भने 'बाटो योद्धा' ले पनि दर्शकको गतिलो साथ पाइरहेको छ।